ამერიკის შეერთებულ შტატებში, ორეგონის შტატში, ორი ვერტმფრენის შეჯახების შედეგად სამი ადამიანი დაიღუპა.

Associated Press-ის ინფორმაციით, ავიაკატასტროფა 29 ოქტომბერს, ადგილობრივი დროით, მაკმინვილის აეროპორტის მახლობლად მოხდა.

გავრცელებული ცნობით, ერთმანეთს ორი ვერტმფრენი შეეჯახა. შემთხვევას სამი ადამიანის სიცოცხლე ემსხვერპლა.

ავიაკატასტროფის ადგილზე შესაბამისი სამსახურები მუშაობდნენ.

მომხდარის გარემოებების შესწავლაში აშშ-ის საავიაციო უწყებები მონაწილეობენ. გამოძიებამ უნდა დაადგინოს, რა ვითარებაში მოხდა შეჯახება და რამ გამოიწვია კატასტროფა.

ამ ეტაპზე შეჯახების ზუსტი მიზეზი დადასტურებული არ არის.

შემთხვევის შესახებ დამატებითი ინფორმაციის გავრცელება გამოძიების მიმდინარეობისას არის მოსალოდნელი.