თბილისის ზაქარია ფალიაშვილის სახელობის ოპერისა და ბალეტის სახელმწიფო აკადემიურ თეატრში დღეს, 31 ოქტომბერს, პეტრე ჩაიკოვსკის ცნობილი ბალეტი „მძინარე მზეთუნახავი“ იქნება წარმოდგენილი.

სპექტაკლი 19:00 საათზე დაიწყება.

„მძინარე მზეთუნახავი“ მსოფლიო საბალეტო კლასიკის ერთ-ერთი გამორჩეული ნაწარმოებია, რომელიც შარლ პეროს ცნობილი ზღაპრის მიხედვით შეიქმნა. ბალეტი პრინცესა ავრორას ჯადოსნურ ისტორიას მოგვითხრობს, სადაც სიკეთე, სიყვარული და ბოროტების წინააღმდეგ ბრძოლა ერთიანდება.

თბილისში წარმოდგენილი დადგმა ალექსეი ფადეეჩევისა და ნინო ანანიაშვილის ქორეოგრაფიულ ვერსიას ეფუძნება.

მაყურებელს დახვეწილი ქორეოგრაფია, კლასიკური საბალეტო მუსიკა, შთამბეჭდავი კოსტიუმები და ზღაპრული სასცენო გარემო ელის.

„მძინარე მზეთუნახავი“ ჩაიკოვსკის ერთ-ერთი ყველაზე ცნობილი ბალეტია, რომლის პრემიერა 1890 წელს სანქტ-პეტერბურგში გაიმართა. საუკუნეზე მეტი ხნის შემდეგაც ნაწარმოები მსოფლიოს წამყვანი თეატრების რეპერტუარში რჩება.

თბილისის ოპერისა და ბალეტის თეატრი სპექტაკლს რუსთაველის გამზირზე მდებარე ისტორიულ შენობაში უმასპინძლებს.