თბილისში დიდი ოდენობით თანხის თაღლითურად დაუფლების ბრალდებით ერთი მამაკაცი დააკავეს.
შინაგან საქმეთა სამინისტროს ინფორმაციით, ბრალდებული მოქალაქეებს თბილისში, გურიასა და შიდა ქართლში კოტეჯების აშენებას ჰპირდებოდა და სამუშაოების დასაწყებად წინასწარ თანხას ართმევდა.
გამოძიების თანახმად, მამაკაცმა დაპირებული სამუშაოები არ შეასრულა და მოქალაქეებისგან ჯამში **160 000 ლარი** თაღლითურად მიითვისა.
სამართალდამცველებმა ბრალდებული მოსამართლის განჩინების საფუძველზე დააკავეს.
გამოძიება სისხლის სამართლის კოდექსის 180-ე მუხლის მე-3 ნაწილით მიმდინარეობს, რაც 9 წლამდე თავისუფლების აღკვეთას ითვალისწინებს.
**წყარო:** საქართველოს შინაგან საქმეთა სამინისტრო, 14 ნოემბერი, 2026.