ბაქო-თბილისი-ჯეიჰანის მილსადენით ნავთობის გადაზიდვა შემცირდა. 2026 წლის პირველი ცხრა თვის განმავლობაში მილსადენით 143.97 მილიონი ბარელი ნავთობი გადაიზიდა, რაც გასული წლის ანალოგიურ პერიოდთან შედარებით 7.8%-ით ნაკლებია.
თურქეთის სახელმწიფო ენერგეტიკული კომპანიის, BOTAŞ-ის მონაცემებით, მიმდინარე წლის იანვრიდან სექტემბრის ჩათვლით მილსადენით დაახლოებით 12.2 მილიონი ბარელით ნაკლები ნავთობი გადაიზიდა, ვიდრე გასულ წელს.
ბაქო-თბილისი-ჯეიჰანის მილსადენი აზერბაიჯანიდან იწყება, საქართველოს ტერიტორიაზე გადის და თურქეთის ქალაქ ჯეიჰანში სრულდება. მისი საშუალებით ნავთობი საერთაშორისო ბაზრებზე გადის.
ეს მილსადენი საქართველოსთვის მნიშვნელოვანია, რადგან ქვეყანა ნავთობის საერთაშორისო სატრანზიტო გზის ნაწილია და მისი გავლით ნავთობის გადაზიდვიდან ეკონომიკურ სარგებელს იღებს.
გადაზიდვების შემცირებამ შესაძლოა საქართველოს სატრანზიტო შემოსავლებზეც იმოქმედოს, თუმცა ამ ეტაპზე უცნობია, კონკრეტულად რამდენით შეიცვალა ქვეყნის შემოსავალი.
ნავთობის გადაზიდვის შემცირების ზუსტი მიზეზი ჯერჯერობით ოფიციალურად არ დასახელებულა.
