ბათუმში სამართალდამცველებმა ინტერპოლის წითელი ცირკულარით ძებნილი თურქეთის მოქალაქე დააკავეს.
შინაგან საქმეთა სამინისტროს ინფორმაციით, დაკავებული თურქეთის სამართალდამცავი ორგანოების მოთხოვნით, ნარკოტიკული საშუალებებით უკანონო ვაჭრობისა და გასაღების ბრალდებით იძებნებოდა.
ოპერაცია ცენტრალური კრიმინალური პოლიციისა და აჭარის პოლიციის თანამშრომლებმა ერთობლივად ჩაატარეს.
ამჟამად დაკავებულის მიმართ საექსტრადიციო პროცედურები მიმდინარეობს, რაც მისი თურქეთში გადაცემის საკითხის განხილვას გულისხმობს.
