სურსათის ეროვნულმა სააგენტომ სახელმწიფო კონტროლის ფარგლებში რამდენიმე კვების ობიექტში დარღვევები გამოავლინა.
ხელვაჩაურის მუნიციპალიტეტის სოფელ ახალშენში შემოწმდა შპს „ილოვატო-111“-ის პურის საცხობი, სადაც კრიტიკული შეუსაბამობები დაფიქსირდა. გამოვლენილი დარღვევების გამო საწარმოს საქმიანობა შეუჩერდა.
თბილისში, გუდაუთის ქუჩა №7-ში მდებარე შპს „ატომ 2020“-ის ხორცპროდუქტების საწარმოში გეგმური შემოწმების შედეგად გამოვლინდა სურსათის მიკვლევადობის მოთხოვნების დარღვევაც. ობიექტს საწარმოო პროცესი შეუჩერდა.
გარდა ამისა, სააგენტოს ინფორმაციით, ვადაგასული სურსათი აღმოჩნდა კიდევ ორ საწარმოში:
- შპს „ნიკორა“, თბილისი, აგლაძის ქუჩა №32, მაცივარი №4.
- შპს „საამო“, თბილისი, გუდაუთის ქუჩა №7.
აღმოჩენილი ვადაგასული პროდუქცია დაილუქა და კანონმდებლობის შესაბამისად განადგურდება.
