საქართველოს მორაგბეთა ეროვნული ნაკრები დღეს, 7 ნოემბერს, კანადის ნაკრებს დაუპირისპირდება.

შეხვედრა თბილისში, „ავჭალის“ სტადიონზე, 18:00 საათზე დაიწყება.

„ბორჯღალოსნები“ ერთა თასზე ასპარეზობას აგრძელებენ. საქართველოს ნაკრების მთავარმა მწვრთნელმა პიერ-ანრი ბრონკანმა მატჩისთვის შემადგენლობა შეარჩია, რომელშიც ორი დებიუტანტი, ლუკა ტაბატაძე და გაგი მარგველაშვილი არიან.

საქართველოსა და კანადის დაპირისპირება ეროვნული ნაკრებისთვის საერთაშორისო სარაგბო კალენდრის მორიგი მნიშვნელოვანი შეხვედრა იქნება.