თბილისის „დინამოს“ 19-წლამდე გუნდმა უეფას ახალგაზრდულ ლიგაში მინსკის „დინამოს“ ბარიერი დაძლია და მომდევნო ეტაპის საგზური მოიპოვა.
14 ოქტომბერს გამართულ საპასუხო შეხვედრაში თბილისელები მეტოქეს 3:2 ამარცხებდნენ. პირველი მატჩი ბელარუსულ გუნდს 4:3 ჰქონდა მოგებული, რის გამოც ორი შეხვედრის ჯამში ანგარიში 6:6 გახდა.
გამარჯვებულის გამოსავლენად პენალტების სერია დაინიშნა, სადაც ქართველმა ფეხბურთელებმა 3:1 გაიმარჯვეს.
თბილისელთა მხრიდან გოლები ნიკოლოზ ადუაშვილმა, გიორგი ლომიძემ და რატი ალექსიძემ გაიტანეს.
ამ გამარჯვებით „დინამომ“ შემდეგი ეტაპის საგზური მოიპოვა, სადაც დანიურ „კოპენჰაგენს“ დაუპირისპირდება.
