აშშ - ის ფლორიდის შტატში ძლიერი ქარიშხლის შედეგად, გავრცელებული ინფორმაციით, ექვსი ადამიანი დაიღუპა.
სტიქიას თან ახლდა ძლიერი ქარი და უხვი ნალექი. დაზიანდა საცხოვრებელი სახლები, გზები და ელექტროგადამცემი ინფრასტრუქტურა. რიგ რაიონებში მოსახლეობას ელექტროენერგიის მიწოდება შეუწყდა.
ადგილზე სამაშველო და აღდგენითი სამუშაოები მიმდინარეობს. შესაბამისი სამსახურები სტიქიის შედეგად მიყენებულ ზარალს აფასებენ.
ინფორმაცია ექვსი ადამიანის დაღუპვის შესახებ 14 ოქტომბერს გავრცელდა, თუმცა შემთხვევის დამატებითი გარემოებები ოფიციალური წყაროებით დაზუსტებას საჭიროებს.
