საუდის არაბეთში აეროპორტსა და ნავთობის საბადოზე განხორციელებულ თავდასხმებს სამი ადამიანი ემსხვერპლა, ათი კი დაშავდა.
Reuters-ის ინფორმაციით, 21 ოქტომბერს ქალაქ დამამში, მეფე ფაჰდის საერთაშორისო აეროპორტზე თავდასხმის შედეგად ერთი ადამიანი დაიღუპა, რვა კი დაშავდა.
იმავე დღეს დრონით თავდასხმა განხორციელდა Saudi Aramco-ს შაიბას ნავთობის საბადოზეც. ჩამოვარდნილი ნამსხვრევების შედეგად ორი ადამიანი დაიღუპა და ორი დაშავდა. ხელისუფლების ცნობით, ნავთობის მოპოვება არ შეფერხებულა.
თავდასხმების ფონზე აშშ-მ საუდის არაბეთიდან დიპლომატიური პერსონალის ნაწილისა და მათი ოჯახის წევრების გაყვანის გადაწყვეტილება მიიღო.
რეგიონში ვითარება კვლავ დაძაბულია. თავდასხმებმა ნავთობის მსოფლიო ბაზარზეც შეშფოთება გამოიწვია.
