გორთან, ცენტრალურ საავტომობილო მაგისტრალზე, სამი ტრაილერის მონაწილეობით ავტოსაგზაო შემთხვევა მოხდა. შემთხვევა 30 სექტემბერს, გვიან ღამით დაფიქსირდა. სამი სატვირთო ავტომობილის შეჯახების შედეგად მაგისტრალის აღნიშნულ მონაკვეთზე მოძრაობა შეფერხდა. ავარიის ადგილზე მობილიზებული იყვნენ საპატრულო პოლიციის ეკიპაჟები. სამართალდამცველებმა შემთხვევის ტერიტორია ყვითელი გამაფრთხილებელი ლენტით შემოსაზღვრეს, ამ დროისთვის უცნობია ავტოსაგზაო შემთხვევის მიზეზი.
