რუსთავის ავტოდრომზე საქართველოს დრიფტის ჩემპიონატის დასკვნითი ეტაპები გაიმართა, სადაც სეზონის გამარჯვებულის ვინაობა გაირკვა. საქართველოს ჩემპიონის ტიტული ირაკლი შალიკაშვილმა მოიპოვა.
ჩემპიონატის ფინალური ეტაპები განსაკუთრებით დაძაბული აღმოჩნდა. გადამწყვეტ შეჯიბრებამდე ჩემპიონობის შანსს 11 მრბოლელი ინარჩუნებდა, რაც სეზონის დასკვნით რბოლებს დამატებით ინტერესს სძენდა.
შეჯიბრების მონაწილეებმა საკუთარი შესაძლებლობები ტექნიკურად რთულ მონაკვეთებზე წარმოაჩინეს, სადაც ავტომობილის მართვის სიზუსტესა და კონტროლს განსაკუთრებული მნიშვნელობა ენიჭება.
საბოლოოდ, სეზონი ირაკლი შალიკაშვილის გამარჯვებით დასრულდა და მან საქართველოს დრიფტის ჩემპიონის ტიტული მოიპოვა.
